07.10.2025
Мали готвачи - Големи насмевки кулинарска авантура за најмалите на Сава осигурување
Сава осигурвање заедно со Академијата за млади готвачи Везден организираше кулинарска работилница за децата за нашите вработени .
Во нашата компанија, веруваме дека најубавите спомени се создаваат кога се мешаат љубовта, смеата и… малку брашно! Токму затоа, со голема радост ја организиравме кулинарската работилница „Мали готвачи, големи насмевки“, посветена на децата на нашите вработени – едно вистински забавно и едукативно доживување.
Малите готвачи, облечени во престилки и готварски капи, имаа можност заедно со искусни готвачи да подготват вкусни и здрави оброци, да научат основни кулинарски вештини и секако, да се забавуваат!
Работилницата се состоеше од:
- Стекнување на основи вештини на готвење;
- Подготовка на здрави оброци;
- Безбедност во кујната – како да се користи прибор и алатки на безбеден начин;
- Декорирање и сервирање на храна;
Работилницата беше исполнета со многу детски насмевки , нови другарувања и нови знаења.
Оваа работилница не беше само за готвење – беше за поврзување, за охрабрување на самодовербата кај најмалите, за споделување семејни вредности и за градење уште посилна заедница во рамки на нашата компанија.
Благодарност до сите родители и мали готвачи што беа дел од оваа вкусна авантура.
Со нетрпение ја очекуваме следната работилница – со нови рецепти, уште повеќе смеа и уште поголеми насмевки, бидејќи во друштво на добри луѓе никогаш не сте сами !
