ИЗВЕСТУВАЊЕ ЗА ПРИВАТНОСТ

Сава осигурување а.д. Скопје (во понатамошниот текст: „Друштвото“), како членка на Сава Осигурителната Групација, посветува големо внимание на заштитата на личните податоци во сите свои деловни процеси, применувајќи ги Законот за заштита на личните податоци (во понатамошниот текст: „ЗЗЛП“) и другите прописи за заштита на личните податоци во Република Северна Македонија, како и правилата и стандардите на Групацијата. Со ова Известување за приватност Ве информираме кои Ваши лични податоци ги обработуваме, за кои цели и врз кој правен основ, на кого може да му бидат откриени, колку долго се чуваат и како можете да ги остварите своите права.

ОСНОВНИ ИНФОРМАЦИИ

Контролор: Сава осигурување а.д. Скопје

Седиште: Железничка 41, 1000 Скопје

Даночен број: 4030994256042

Матичен број: 4778529

Телефон: (02) 5101 500; 0800 80 000

Веб страна: www.sava.mk

Е-адреса: contact@sava.mk

Офицер за заштита на личните податоци (ОЗЛП): ozlp@sava.mk

2. СОБИРАЊЕ НА ЛИЧНИ ПОДАТОЦИ 

Друштвото, во улога на контролор, ги собира и обработува Вашите лични податоци во согласност со ЗЗЛП и другите прописи за заштита на личните податоци.

Вашите лични податоци ги собираме директно од Вас кога:

  • сакате понуда за склучување на осигурување;
  • склучувате договор за осигурување (полиса) со Друштвото;
  • ја користите нашата веб-страница;
  • барате информации од нас;
  • пополнувате формулар за контакт во рамки на рекламните кампањи на Друштвото на социјалните мрежи Facebook и Instagram (точка 2.1);
  • давате пофалба или поплака;
  • пријавувате осигурен случај или штета;
  • пријавувате осигурителна измама;
  • сте корисник на услуги што ги обезбедува Друштвото;
  • сте учесник во наградни игри организирани од Друштвото;
  • во други случаи наведени во ова Известување за приватност.
2.1  Формулари за контакт на социјалните мрежи

Во рамки на рекламните кампањи на Друштвото на социјалните мрежи Facebook и Instagram, во сопственост на Meta, лицата заинтересирани за одреден осигурителен производ можат да пополнат формулар за контакт. Формуларот се отвора во самата апликација, а полињата име, презиме и телефонски број може автоматски да бидат пополнети со податоци од Вашиот профил, кои пред испраќањето можете да ги проверите и измените.

Преку формуларот ги собираме следниве податоци: име и презиме, телефонски број, избраниот осигурителен производ, Вашиот избор во однос на согласноста за директен маркетинг, како и датумот и времето на поднесувањето.

Формуларот е наменет исклучиво за лица постари од 18 години. Ве молиме во формуларот да не внесувате посебни категории на лични податоци, како што се податоците за здравјето.

3. ЦЕЛИ И ПРАВЕН ОСНОВ НА ОБРАБОТКАТА

Вашите лични податоци ги обработуваме само кога постои еден од следниве правни основи:

  • исполнување на законските обврски на Друштвото;
  • склучување и извршување на договорот за осигурување во кој сте договорна страна или преземање активности на Ваше барање пред склучување на договорот;
  •  легитимен интерес на Друштвото, освен кога над таквиот интерес преовладуваат Вашите интереси или основни права и слободи;
  •  Ваша согласност за една или повеќе конкретни цели.

Податоците собрани преку формуларите за контакт на социјалните мрежи (точка 2.1) ги обработуваме за следниве цели:

  • контакт и доставување информации и понуда исклучиво за осигурителниот производ за кој сте побарале контакт – врз основа на преземање активности на Ваше барање пред склучување на договорот;
  • директен маркетинг за други производи и погодности на Друштвото по телефон, SMS и Viber – исклучиво врз основа на Ваша посебна и доброволна согласност, дадена со означување на незадолжителното поле во формуларот (точка 7). Доколку не дадете согласност, тоа нема влијание врз Вашето барање;
  • докажување на дадената или повлечената согласност и почитување на Вашето барање да не бидете контактирани –согласно законската обврска на Друштвото да ја докаже согласноста, односно својот легитимен интерес.

При обработката на податоците собрани преку формуларите за контакт не се врши автоматизирано донесување одлуки, ниту профилирање.

4. ПРИМАЧИ НА ЛИЧНИТЕ ПОДАТОЦИ

Пристап до Вашите лични податоци имаат само овластени вработени во Друштвото и осигурителните агенти со кои Друштвото има договорен деловен однос. Нив Друштвото посебно ги овластува за обработка на личните податоци и пред започнувањето со работа, како и преку континуирани обуки, ги запознава со обврските за заштита на личните податоци.

 Друштвото ангажира и обработувачи, кои обработуваат лични податоци во име и за сметка на Друштвото, како што се даватели на информатички и CRM услуги, маркетинг агенции и слично за податоците од формуларите за контакт на социјалните мрежи. Со обработувачите Друштвото склучува договори за обработка на лични податоци, со кои тие се обврзуваат податоците да ги обработуваат исклучиво во согласност со упатствата на Друштвото и само за договорените услуги, а не за свои цели или за цели на трети лица.

Meta, како посебен контролор, ги обработува податоците за Вашето користење на Facebook и Instagram, вклучително и Вашата интеракција со огласите, согласно сопствената Политика за приватност (www.facebook.com/privacy/policy).

Личните податоци, кога тоа е потребно за извршување на договорот за осигурување или кога постои законска обврска, може да бидат откриени и на реосигурувачи и други членки на Сава Осигурителната групација, на Агенцијата за супервизија на осигурување и на други надлежни органи, судови и институции.

5. ПРЕНОС НА ЛИЧНИТЕ ПОДАТОЦИ

Друштвото може да изврши пренос на лични податоци во земји членки на Европската унија и на Европскиот економски простор, како и во трети земји. За преносот во земји членки на Европската унија и на Европскиот економски простор се известува Агенцијата за заштита на личните податоци (во понатамошниот текст: “АЗЛП“), а преносот во трети земји се врши по претходно добиено одобрение од АЗЛП, освен во случаите кога ЗЗЛП предвидува поинаку. При преносот се применуваат соодветни технички и организациски мерки, како и заштитни мерки, како што се стандардните договорни клаузули за заштита на личните податоци одобрени од Европската комисија.

Во однос на формуларите за контакт на социјалните мрежи, Meta Platforms Ireland Limited може податоците да ги обработува и во Соединетите Американски Држави, при што преносот се врши согласно законските и подзаконските прописи со кои се уредува преносот на личните податоци. Дополнителни информации за применетите заштитни мерки при преност можете да добиете со поднесување барање до ОЗЛП (точка 1).

6. ЧУВАЊЕ НА ЛИЧНИТЕ ПОДАТОЦИ

Личните податоци ги чуваме онолку колку што е потребно за постигнување на целта на обработката, во роковите утврдени со закон и со Листата на документарен материјал со рокови за чување на лични податоци на Друштвото.

Податоците собрани преку формуларите за контакт на социјалните мрежи се бришат најдоцна 3 месеци од поднесувањето на формуларот, доколку не склучите договор и не дадете согласност за директен маркетинг. Доколку склучите договор, се применуваат роковите за чување утврдени во самиот договор за осигурување. Податоците што се обработуваат врз основа на согласност за директен маркетинг се чуваат до повлекување на согласноста, а најмногу 24 месеци од последната интеракција со Вас.

7. ДИРЕКТЕН МАРКЕТИНГ

 Друштвото врши директен маркетинг само врз основа на Ваша изречна согласност, дадена во писмена форма или по електронски пат, вклучително и со означување на посебно, незадолжително поле во онлајн формулар или во формулар за контакт на социјалните мрежи.

Согласноста можете да ја повлечете во секое време, бесплатно и без образложение, по е-пошта на ozlp@sava.mk, по пошта до ОЗЛП (точка 1), на бесплатниот број 0800 80 000 или со одговор на самата маркетинг порака. Повлекувањето не влијае на законитоста на обработката пред повлекувањето.

Имате право во секое време да поднесете приговор на обработката на Вашите лични податоци за цели на директен маркетинг, по што Вашите податоци повеќе нема да се обработуваат за таа цел.

8. БЕЗБЕДНОСТ НА ЛИЧНИТЕ ПОДАТОЦИ

Друштвото применува соодветни технички и организациски мерки за обезбедување тајност и заштита на обработката на личните податоци, во согласност со ЗЗЛП и подзаконските акти.

9. ВАШИТЕ ПРАВА

 Во врска со обработката на Вашите лични податоци ги имате следниве права:

  •  Право на повлекување на согласноста во секое време, без влијание врз законитоста на обработката пред повлекувањето;
  •  Право на пристап до личните податоци, вклучително и информации за тоа дали се обработуваат Вашите лични податоци, кои податоци се обработуваат, за кои цели и врз кој правен основ, кои се примачите, колку долго се чуваат и кој е нивниот извор;
  • Право на исправка и бришење на личните податоци;
  • Право на ограничување на обработката;
  • Право на преносливост на податоците;
  • Право на приговор на обработката, вклучително и во секое време на обработката за цели на директен маркетинг;
  • Право да не бидете предмет на одлука заснована исклучиво на автоматизирана обработка, вклучително и профилирање;
  • Право на поднесување барање до АЗЛП (www.azlp.mk) согласно член 97 од ЗЗЛП, доколку сметате дека обработката на Вашите лични податоци е спротивна на прописите.
Вашите права можете да ги остварите со поднесување барање до ОЗЛП по е-пошта на ozlp@sava.mk или по пошта (точка 1), со или без користење на следниве обрасци:
  1. Барање за повлекување на согласност;
  2. Барање за пристап до лични податоци;
  3. Барање за бришење на лични податоци;
  4. Барање за исправка на лични податоци;
  5. Барање за ограничување на обработка на личните податоци;
  6. Барање за пренос на личните податоци;
  7. Приговор.

На Вашето барање ќе одговориме без непотребно одложување, а најдоцна во рок од еден месец од неговиот прием. Овој рок може да се продолжи во случаите предвидени со ЗЗЛП, за што навремено ќе бидете известени.

10. КОНТАКТ И ИЗМЕНИ НА ИЗВЕСТУВАЊЕТО ЗА ПРИВАТНОСТ

За сите прашања во врска со ова Известување за приватност или со обработката на Вашите лични податоци можете да се обратите до ОЗЛП на ozlp@sava.mk.

Ова Известување за приватност редовно се ажурира во согласност со измените на прописите и на начинот на обработка на личните податоци. Ажурираната верзија се објавува на веб-страницата на Друштвото.

Последно ажурирање: 21.10.2026