Терминологија во осигурувањето
Како дел од проектот за финансиска едукација, населението е многу важно да се запознае со терминологијата која се користи во секојдневното работење, како подобро би ги разбрале продуктите и услугите кои се нудат од страна на осигурителните компании.
Со запознавање на продуктите/услугите, секој може да најде примена за користење на истите и да ја разбира нивната важност во текот на своето живеење.
Пр. Доколку сакате да осигурате стан, имот, односно домаќинско осигурување, треба да се информирате дали
полисата која Ви ја нуди осигурителната компанија соодветствува на Вашата потреба. Доколку да, треба да дадете основни информации за изработка на истата, која е квадратурата по имотен лист, дали имате гаража, и сл. Потребно е да прашате под кои услови истата се активира и дали Ви нуди целосно покритие или само делумно, односно има франшиза, или дали тој вид ризик го покрива оваа полиса. Колку повеќе барате подетални информации и сте отворени во комуникацијата, можноста за незадоволство се намалува, а се зголемува можноста за покривање на ризиците.
Во продолжение ве запознаваме со дел од терминологијата која се користи активно во осигурителниот свет:
- Осигуреник – Лицето или организацијата која е осигурена и која ги користи предностите од полисата на осигурување.
- Полиса на осигурување – Договорот помеѓу осигуреникот и осигурителната компанија, кој утврдува кои ризици се покриени, како и условите за исплата на штета.
- Премија – Износот кој осигуреникот треба да го плаќа на осигурителната компанија за да ја има полисата активна. Премијата може да се плаќа месечно, квартално или годишно во зависност од договорот.
- Франшиза (или учество) – Износот што осигуреникот треба да го плати за да започне процесот на осигурување, пред да почне да важи осигурувањето за покривање на штетата. Франшизата е дел од штетата кој го плаќа осигуреникот,а остатокот го покрива осигурителната компанија. Секое осигурување нема франшиза, сѐ зависи од договорот со осигурителната компанија.
- Капитал на осигурување – Износот на средства што осигурителната компанија ќе го исплати на осигуреникот или неговите наследници во случај на несреќа, болест, смрт или други покриени настани.
- Покритие – Конкретните ризици или настани кои се опфатени со полисата на осигурување. Ова може да вклучува болести, несреќи, кражба, оштетување на имот или други ситуации.
- Исплата на осигурување – Паричниот износ што осигурителната компанија го исплаќа на осигуреникот или неговите наследници по настанување на настан кој е опфатен со полисата (независно дали се работи за смрт, штета, болест и слично).
- Ризик – Нешто што може да се случи и да доведе до финансиска загуба. Во осигурувањето, ризикот е основната причина за склучување полиса. Постојат различни категории ризици, несреќа, пожар или болест со сите ризици кои може да бидат покриени со осигурување.
- Договор за осигурување – Договор меѓу осигуреникот и осигурителната компанија кој ги утврдува условите и обврските на двете страни, како и деталите за што ќе се обезбеди осигурувањето.
- Осигурителен период – Времето за кое важи полисата на осигурување. По истекот на осигурителниот период, полисата треба да се обнови за да продолжи да важи.